మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
స్వరాజ్యమా నువ్వొచ్చావట
నీ చిరునామా కాస్త చెప్పవూ
రాజకీయాల మత మౌఢ్యాల
గుప్పిళ్ళలో దాగున్నావా
కులాల కార్చిచ్చుల్లో పడి మగ్గుతూ
అస్పృశ్యతకు అందుబాటులోనున్నావా
మువ్వన్నెల రంగులకు ముక్తాయింపుగా
గగనానికి ఎగురుతున్న సీతాకోకచిలుకల్లో చేరావా
మూడుకాళ్ళ ముదుసలివైనావని చేష్టలుడిగి మంటగలుస్తున్న మానవత్వంలో దాగుండిపోయావా
తరాలు మారుతున్నా తరగని
అంతరాల నడుమ తల వంచుకుంటున్నావా
రెపరెపలాడుతున్న ఆశల రెక్కల్లో
వెతికి వెతికి వేసారిన జీవితాలకు మరో స్వరాజ్యమెప్పుడో..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి