పుట్టుక ఏదైనా
మరణం అనివార్యం
జన్మతః కులమన్నది సంక్రమించడం పరిపాటి
మతమన్నది మన ఇష్టం
మాట జారితే తీసుకోలేము
రాత తప్పు పడినా మార్చలేము
పరమత సంప్రదాయాలను గౌరవించడం సంస్కారం
ఆచార వ్యవహారాలను కించ పరచడం కుసంస్కారం
మన అవసరానికి నోటి మాటలు చేతి రాతలు
అదుపు తప్పితే పర్యవసానమేమిటన్నది తెలియాలి
రాజకీయ ప్రాపగాండా కోసమెా
గొప్పల కోసం వెంపర్లాడితే ఫలితమింతే
మార్చుకోలేని మన జన్మమిదన్న
ఏడుపు అన్ని వేళలా మంచిది కాదు
ప్రశ్నించడం మనకు తెలిస్తే
సమాధాన పరచడం పైవాడికి తెలుసు
హేళన చేయడం మనకు తెలిస్తే
అవహేళన చేయడం ఎదుటివాడికి రాదా!
అడుగు తడబడితే పర్వాలేదు
మేధావే తప్పుటడుగు వేస్తే ఎలా?
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి