మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
దూరమెప్పుడూ మారదు
మనసుల మధ్యనైనా
మనుష్యుల నడుమనైనా
తారతమ్యమెప్పడూ ఒకటే
తరాల ఆంతర్యానికి
తలరాతల తేడాకి
మౌనమెప్పుడూ మాటల మాటునే
కోపానికి వెసులుబాటిస్తూ
సామరస్యానికి చోటిస్తూ
దారులెన్నైనా గమ్యం వైపుకే
ఓటమి వెంట వచ్చినా
గెలుపు పిలుపు వినిపించినా
వయసెప్పుడూ పసిదే
బాల్యానికి గోరుముద్దలు తినిపించి
వార్థక్యానికి జ్ఞాపకాల తాయిలాలిస్తూ
రహదారులెన్నున్నా కూడలి అదే
బంధాలకు బాధ్యతలప్పగిస్తూ
బాంధవ్యాలను కొనసాగించమంటూ
చివరాఖరికి చిటారుకొమ్మిదే
అసూయతో రగిలిన ద్వేషాలన్నీ
అక్షరాలతో ఆడిన ఆటల్లో పండిపోవడమే...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి