మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
అవ్యక్తం..!!
వక్రీకరణల
వ్యక్తీకరణలే మన విజయమనుకుంటున్నాం
అభిజాత్యాలన్ని
మనని కాదని సరిపెట్టుకుంటే ఎలా?
భావానిదేముంది
మాటకారులమని మనమనుకుంటే చాలదు
వంకర భాషే
మన రాజభాషని విర్రవీగితే ఫలితమేంటో!
సంకర బుద్ధులతో
శునకానందం పొందుతుంటే భవితేమిటో!
కూల్చివేతల
కుహనా రాజకీయాల్లో మనదే ముందంజ
పేర్ల మార్పుతోనే మన పనితీరు
ప్రపంచ ఖ్యాతినొందుతోందని సంబరాలు చేసుకుందామా!
మన వృద్ధి ఏ దిశగా వెళుతోందో
మనకు తెలియకున్నా విశ్వ విదితమని తెలుసుకునేదెప్పుడో..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి