![](https://blogger.googleusercontent.com/img/b/R29vZ2xl/AVvXsEhuyCG1E0DTk8a87p7cR4vSEf9uRIa5oQClO6CR0LL6wfs3rCnoKBNuEha8IHyAk0T1eNGTTmwtpUn40dplzaYZuRlNVGm38xEEVjex4mREyPQZZ3OjMaD_GU1NhHzcvMK0srU0ANgVWiI/s1600/frfre.jpg)
ఆటపాటల్లో ఆదమరచిన పసిడికొమ్మగా మారి
బాల్యాన్ని వదలి కౌమారాన్ని చీరగా చుట్టి
ఆత్మార్పణలో అతివగా అవతరించిన ఇల్లాలై
అందుకున్న చేయి అగ్గిలో నెట్టేసినా అణకువతో
భరించి అమ్మగా మారి బంధాలను పంచినా
అనుబంధం తెలియని అధముల కోరల్లో
అణగ దొక్కబడుతున్నా ఆత్మీయతను
చూపిస్తూనే ఓ కంట కన్నీరు ఓ కంట పన్నీరు
ఒలికించే అమృతమూర్తి ఆడది...
అనాధ బతుకులో ఆలంబనగా మారి అన్ని తానైనా
మగాడనే అహాన్ని వదలని మదాన్ని భరించే
సాధనంగా మారిన సాధుజీవి...
రాతిరి పగలు నిరంతర శ్రామిక యంత్రమైనా
విశ్రాంతికి నోచని బతుకులో అవిశ్రాంతపు
పోరాటంలో అలసినా సొలసినా అణువంత
ఆదరణకు నోచుకోని ధరణిపుత్రి....
అనాది నుంచి ఆధునిక యుగం వరకు
గతులు మారినా గమనాలు మారినా
మారని న్యాయం మగువకు మాత్రమే ఈనాటికి ...!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి