నా సమాధి మాట్లాడుతోంది వినిపిస్తోందా...నిద్రాణమైన మనసు నిదుర పోతూనే ఉంది
మెలకువలో అబద్దపు నిష్టూరాలను తట్టుకోలేక
అలసిన శరీరానికి ఆలంబన దొరకలేదని
తపన పడిన రోదన స్వరం ఆర్తిగా పిలుస్తున్నా...
వినిపించని దూర తీరాలలో దాగిపోయిన
దాతృత్వం కన్నీటిలో కరుగుతున్న కాలాన్ని
వెనుకకు తిప్పలేని నిస్సహాయత వెక్కిరిస్తూ...
ఆశల వలయాల శృంఖలాలను ఛేదించలేని
బంధనాలుగా బంధాలను వాస్తవంగా బంధిస్తే...
కరిగి పోతున్న జీవితంలో 'ని'వేదన మరచి
వేదన వరదలో మునుగుతున్న రాతిముక్క
ఆక్రోశం సూది మొనగా మారి శరమై శిఖరమై
అణచివేతకు ధీటుగా నిలబడాలన్న ఆ చిత్తం
పెనుగులాటల్లో పలుకుతున్న శిలా శాసనాలు
జీవ సమాదుల్లోని సజీవ ఘట్టాలుగా నిలుస్తూ
నినదిస్తున్న ఈ చిర పరిచిత స్వరాల ఘోషల
పోరాటమే అంతిమ విజయ సోపానం....!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి