ఎనకటి పొద్దులో ఎతికిన గురుతేఏ తావిల వెదుకాడినా ఎన్నెలంటి నీ రూపే
చేసిన బాసల్లో ముచ్చటలెన్నో
ఏటి ఇసుకలో రాసిన గీతలన్నీ నీ ఊసులే
నా వెంట రానని మొరాయిస్తున్న
మనసుని వెంబడించినది నీ జ్ఞాపకాలే
రాలిన ఆకుల గల గలల్లో
వినిపించే సడి నీ నవ్వుల సవ్వడే
ముసిరిన సందె వెలుగులో
కనిపించిన చుక్కల కాంతి నీ చిరునవ్వే
వేసారిన గుండెల్లో వెలితి
నీ చేరువలో చిలిపిగా మాయమాయనే
వేసవి నిట్టూర్పుల్లో తాకిన
తాపంలో దరి చేరిన మలయ సమీరం నువ్వే
భావాల రాగం భూపాలమై
అక్షర సాకారంలో అందమైన కలగా మిగిలింది నా నువ్వే....!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి