ఈ జన్మకు సార్ధకత..!!

అష్టపదిలా అలరించలేను ఇష్టసఖిలా ఇమడలేను
రాధలా లాలించలేను సత్యభామలా ఆలుగనూ లేను
యశోదమ్మలా ప్రేమను పంచలేను
భక్తిలో రుక్మిణిని కాలేను
అనురక్తిలో గోపికలను మించలేను
అల్లరి ఆటల్లో....తుంటరి చేష్టల్లో....
ప్రేమను పంచడంలో....చెలిమిని పెంచడంలో....
మాయల్లో ముంచడంలో....జీవితార్ధాన్ని చెప్పడంలో....
నిను మించిన ఘనుడెవ్వరు ఆర్తరక్షకా.....
అందుకే అందరూ నీ దాసానుదాసులు....
నీ అనంత భక్త జన కోటిలో ఓ నీటి బిందువును....
ఈ అక్షర కుసుమాంజలితో......అంజలి ఘటించడం....
అనంత విశ్వంలో ఓ రేణువులా నిను చేరితే.....ఈ జన్మకు సార్ధకత..!!