
నింగిపై దాగిన నిండు పున్నమి
నేలపై కెపుడు వచ్చెనో వివరమే
విన్నవించుమా......
జగతి సిగలోని ఈ జాబిలమ్మెవరో
సొగసు చూడ ఈ సంపెంగ మొగ్గ
ఎక్కడిదో......
పాలుగారే ఈ పసిడి చందనమెవరో
విరుల తావుల వాలిన ఈ వలపు రెమ్మను
చూడలేక....
కసరి పారవేసిన ఈ కాంతి చినుకుకు
తట్టుకొనలేక పాదానుక్రాంతమే
ఈ ప్రపంచం....
నీ చిరునవ్వు సాక్షిగా అందిన ప్రేమకు
దాసోహమే ఈ జన్మకు తోడుగా
వేల జన్మల జతకు వివరణ అడుగక....!!