![](https://blogger.googleusercontent.com/img/b/R29vZ2xl/AVvXsEiPHdCh0mLS5AqWQ-47VcWan5F7Y9EAhe50G0hTPPt4KTq0n5xdsnMEsehmdq9NgZpD7WT6x9oDX9EMOQxWQSv9mrel0VoEX0ltbZHhwVXjvSUy1sNR_DSbVavHeueSL6qGWeSdimqfUQE/s1600/hgdsfhsgh.jpg)
నీ మాటలకన్నిటికి సమాధానాలుగా
మరెందుకు వినిపించడం లేదు నీకు....!!
జీవితంలో జీవిని వదలినా
ఉండిపోయిన జీవాత్మ పయనం సాగుతూనే
వెదుకుతోంది తన ఉనికి కోసం...!!
ఇన్నేళ్ళ సాహచర్యాన్ని మరచి
మరో కొత్త ప్రాంగణం కోసం నిరంతరాన్వేషణంలో
వసంతాల మజిలీలను మోసగిస్తూ....!!
గాయాలు తగిలిన గుండె గొంతుక
మూగబోయి మది మానసం మౌనంగా పలికితే
అందుకే వినిపించలేదు కాబోలు...!!
చెప్పాలని తొదర పడినా చెప్పని
సంతసాల చిలక పలుకులు చిన్నబోయి ఇదిగో
ఇక్కడే సమాధిలో నాతోనే ఉన్నాయి....!!
ఎప్పటికి నిను చేరని కధల కావ్యాలు
నీకు అర్ధం కాని సంతకంలా మిగిలిపోయి ఇలా
కన్నీటి కలశాలుగా నిలిచిపోతున్నాయి....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి