జన్మ ధన్యం....!!

ప్రకృతి అందాలకు మేఘాల సంతోషానికి
జనియించిన చినుకుల జలపాతాలు
కొండల నుండి కోనల నుండి సాగే
సెలఏరుల సంగమాల అక్షయ పాత్రలే
ఈ పుణ్య నదులకేరింతలు మన సంపదలు
ఆకాశ గంగల అందాలు పాపాలను హరిహించగా
పాపికొండల గోదారి గలగలలు కృష్ణమ్మ కిలకిలలు
వంపులు తిరుగుతూ ఒయ్యారాలు ఒలక బోసే
అన్ని నదుల ఆనందాల జలకాలు అతివల సొంతాలు
అన్ని నదుల పుట్టినిల్లు మన పుణ్య భరతావని
అవని అందాల ఆనందాల సంబరాల సంతోషాలు
ఈ వేద భూమిలో పుట్టిన మన జన్మ ధన్యం....!!