ఏమిటో మరి ఈ వింత...!!

గరళం గొంతులోనే ఉండిపోయింది
ఎటు  వెళ్ళాలో తెలియక
ఇముడ్చుకోలేని విషాన్ని భరించడం
ఆ నీలకంఠధారునికే ఎరుక
లెక్కలేసుకుంటున్న క్షణాలలో దగ్గరగా
వచ్చిన నీలో అంతర్ముఖంగా
నన్ను నేను చూసుకుంటున్నా ఎందుకో
ఆపలేని కాలాన్ని అంతర్లీనమైన భావుకతతో
పోల్చుతూ ఈ చర్మపు తిత్తిలో మిగిలిన
మనసు ఎగిరిపోయే నిమిషం తెలిసినా
మరో ప్రపంచానికి స్వాగతం పలికే
మరుజన్మకు నాందిగా ఆనందాన్ని
చవి చూడాలన్న అంతర్లోచనాన్ని
నాకు మాత్రమే వినిపిస్తున్న సాగర మధనం
అద్భుతంగా అనిపిస్తోంది ఏమిటో మరి ఈ వింత...!!