మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
కాల ప్రవాహం సాగుతూనే ఉంది
మనిషి మనుగడను ప్రశ్నిస్తూ
మనసెప్పుడూ ఆరని చితిలాంటిదే
భావాల మహాభారత యుద్ధంలో
అక్షరాలకు అంటరానితనం అంటుకుంటోంది
కులం చేతిలో కీలుబొమ్మగా మారుతూ
కళలు ఈర్ష్యల కుంపట్లలో కాలిపోతున్నాయి
సాహిత్యమెా ఉన్మాద క్రియగా సాగుతూ
అదుపు తప్పిన కలం అడ్డదిడ్డంగా రాస్తోంది
నైతిక విలువలకు తిలోదకాలిస్తూ
మన తలరాతను రాతలే బయటపెడతాయి
పదుగురు పరమార్థం తెలుసుకునేలా
ఆగలేని ఆత్మఘోష వినిపిస్తూనే ఉంటుంది
నిర్విరామంగా హృది అలజడికి అంతమే లేకుండా...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి