అక్కరకు రాని అనుబంధాలను
వద్దనుకుంటున్నా
గతమే మరచిన మనుషులకు
జ్ఞాపకాలే లేవంటున్నా
నాటకీయతే జీవితమనునే వాళ్ళను
నచ్చలేదంటున్నా
స్నేహం ముసుగేసుకున్న మెుసళ్ళను
చీదరించుకుంటున్నా
పిలుపుకు పలుకుకు తేడా తెలియని జీవాలకు
జీవించే అర్హత లేదంటున్నా
మంచిలో చెడు వెతికే నైజాలకు
సూక్తిసుధలు చెప్పే నైతికతెక్కడిదంటున్నా
వ్యక్తిత్వ హీనులకు
వ్యక్తిగతమే ఉండదంటున్నా
సమాధానం చెప్పలేని బతుకులకు
ప్రశ్నించే హక్కు ఎక్కడిదంటున్నా
బాధ్యత లేని బంధాలకు
కుటుంబమెందుకని వెలి వేయమంటున్నా...!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి