ప్రేమను పంచిన పెన్నిధి
బాధ్యతల బరువును మెాస్తూ
ఊహకందని రీతిలో
కరోనా యమపాశానికి బలై
బంధాలను అల్లుకున్న గూటిని
అర్ధాంతరంగా వదలిపోతే..
మానవత్వం మరచిపోయిన
మనిషితనం దిగజారిపోతే
అక్కరకు రాని అయినవారిని
ఆపదలో ఆదుకోలేని
సమాజాన్ని వెలి వేసి
కటుంబమంతా కలిసి
ఒకేసారి బలవన్మరణానికి పాల్పడితే...
ఎవరిదా పాపం?
ఓ మాట సాయమదించి
ధైర్య వచనం చెప్పలేని
ఇరుగు పొరుగుదా!
దగ్గరలోనే ఉండి
ఆదుకోని ఆత్మీయులదా!
పలుకరించలేని ప్రియ స్నేహితులదా!
కష్టం మనది కాదులే
అనుకున్న సమాజానిదా!
అందరికి తెలిసిన సమాధానమే
అయినా అడిగింది మనల్ని కాదని
తలవంచుకు వెళిపోదాం...!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి