ఇనుప పాదాల కింద పడి
నలిగిన మనసులు
స్వేచ్ఛా వాయువులు పీల్చుకోవాలని
శత విధాలా ప్రయత్నిస్తున్నాయి
శూన్యంలో ఏమి లేదనుకుంటూనే
ఎందుకనో ఆ చుట్టరికాన్నే
ఇష్టపడటం మెుదలైన క్షణాలను
వదల్లేని స్థితిలో ఉండిపోతున్నాయి
జీవం లేని నవ్వులు
పెదవులపై కనిపిస్తూనే ఉన్నా
రెప్పల మాటున దాగిన వేదనలు
ఉప్పెన కెరటాలై ఉవ్వెత్తున ఎగసి పడుతూనే ఉన్నాయి
నియంత్రించలేని నిట్టూర్పులను
రంగులు వెలసిన ముఖాలను భరించనలవికాక వెలుతురు నక్షత్రాలను చూడొద్దనుకుంటూ
చీకటి సంతకానికి సన్నద్ధమయ్యాయి..!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి