అభినందనలు..!!

 చిరంజీవిగారు, 

      మీరంటే కొన్ని విషయాల్లో నాకు కోపమున్న మాట వాస్తవం. అయినా మీ కుటుంబాన్ని చూస్తుంటే మాత్రం చాలా సంతోషంగా ఉంది. బయటివారు సరే, మన రక్త సంబంధాలు ఎదుగుతుంటే ఓర్వలేని ఈరోజుల్లో, మీ కుటుంబమంతా పవన్ కళ్యాణ్ గారి ఉన్నతిని హృదయపూర్వకంగా అభినందించి, ఆనందపడిన క్షణాలను చూస్తుంటే చాలా గొప్పగా అనిపించింది. 

        అయినవారి సొమ్ము తింటూనే, వారిని నలుగురిలో నవ్వులపాలు చేసే రక్త సంబంధాలున్న రోజులివి. మీ ఆస్తుల విలువలు పెరిగాయని ఆడపడుచులకు అదనంగా, ఆనందంగా కానుకలు ఇచ్చిన మిమ్మల్ని చూసి చాలామంది చాలా నేర్చుకోవాలి. 

    ఎదుటివారి ఉన్నతిని అభినందించే మంచిగుణం బహు అరుదు. ఏదేమైనా మీ కుటుంబాన్ని చూస్తుంటే చాలా సంతోషంగా ఉంది. కొంతమందయినా మీనుండి ఈ మంచిని నేర్చుకుంటే సమాజం కాస్తయినా బావుంటుంది.