మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమనే అర్థమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
క్షణాలను పోగేసుకుంటూ
పరుగెత్తి పోతూనే వుంది కాలం
బంధాలను వదిలించుకుంటూ
యాంత్రికంగా మారిపోతున్నాడు మనిషి
అంతరిక్షానికి ఎగుతున్న విజ్ఞానాన్ని చూస్తూ
అదే పురోగతి అనుకుంటోంది మేధస్సు
మత్తులో తూగుతూ మాయాప్రపంచమే
మహా గొప్ప సంప్రదాయమనుకుంటోంది ఈనాటి యువత
క్రీడ ఏదైనా తనదే
పై చేయి అంటోంది ఆధిపత్యపు అభిజాత్యం
ఏ రాత ఎలా రాసినా
విధిరాత చేవ్రాలు చెరపలేమని తెలియక(తెలిపేవే ఈ అక్షరాలు)..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి