తెలియని సమాధానం....!!

అంధకారంలో పడిన మనసుకి
అక్షరాల ఆకారం ఆడ మరచిపోతే....!!

అక్షరాలతో అల్లిన పదాల అమరిక
కనిపించక పోవడంలో వింత ఏముంది....!!

ఎదురుగా ఉన్న నిన్నే చూడలేనప్పుడు...
ఏకాంతంలో నీతోనే ఉన్నానని చెప్పినా వ్యర్ధమే కదూ...!!

అర్ధం కాని ఆవేశం నీ కోసమే...అంటూ...
అటు ఇటు పోతూ...నీకు దూరంగా జరిగితే...!!

ఎనలేని ఇష్టమంటూ నువ్వెళితే...
ఎక్కడో నీ కోసం నే వెదుకుతున్నానంటే....!!

అయినా ఇష్టం పోదెందుకో మరి....!!

దీపావళి శుభాకాంక్షలు

 చిరు దివ్వెల దీపావళి
ఇంటింటా నింపాలి....
ఎనలేని కాంతుల దివ్య శోభలు...
ప్రతి మది నిండాలి సంతోషపు
చిరు జల్లుల ఆనందంతో.....

          అందరికి దీపావళి శుభాకాంక్షలు

అలా ఉండటం సాధ్యమా.!!

ఇరవైల్లో...అరవైల్లా...ఉండటం సాధ్యమా.!!

             లేక

అరవైల్లో...ఇరవైల్లా...ఉండటం గొప్పతనమా...!!

మీకెలా అనిపిస్తుందో చెప్పరూ ....!!

మీ హోదాకి తగరని....!!

ఎప్పుడో ఇంటరు చదివినప్పటి సంగతి ఒకటి జ్ఞాపకం వచ్చింది....మా శైల అక్క పెళ్లి కి వెళితే....వాళ్ళు బాగా డబ్బులు ఉన్న వాళ్ళు లెండి...అక్క అంటే చాలా ఇష్టం నాకు..వాళ్ళ అత్త కూతుర్లు ముగ్గరు....ఆఖరి అమ్మాయి నా  వయసే కాకపొతే వాళ్ళు సిటిల్లో పెరిగిన స్టైల్...అంతా హై లెవెల్...మనమేమో పక్కా పల్లెటూరి పిల్లలమాయే..!!
పెళ్లి తెల్లవారు ఝామున...అప్పట్లోనే రిసెప్షన్ పెట్టారు మనకేమో కొత్తాయే...!! పెళ్లి అంటే అంతా హడావిడి అందులోనూ ఇష్టమైన అక్క పెళ్లి...అక్క కూడా అస్సలు వదల కుండా తనతోనే ఉంచుకుంది...అక్కకి కూడా ఇష్టమే నేనంటే...!!మరి మనకి పెత్తనం చెయ్యాలని వుంటుంది కదా..!! మనకేమో డబ్బులు...స్టైల్...ఈ గొడవలు తెలియదు...కనీసం పట్టులంగా కూడా వేసుకోలేదు....అయినా రిసెప్షన్ లో నేను వుంటానంటే...వాళ్ళేమో వద్దని...మొత్తానికి నేను కాసేపు పెత్తనం చేసి మళ్లి అక్క దగ్గరకి వెళిపోయాను....అప్పుడు తెలియదు..వాళ్ళు లెవెల్ కోసం చూసుకుంటున్నారు అని...డబ్బులకి పై పై మెరుగులకి విలువ ఇస్తున్నారు అని అర్ధం చేసుకునే అంత తెలివి లేదు....!!
ఎందుకో గుర్తు వచ్చింది వాళ్ళ ఆనాటి ప్రవర్తన.....మనిషి కి మనసు కి విలువ ఇవ్వండి దయచేసి డబ్బుకి పై పై మెరుగులకి ఇవ్వకండి....డబ్బు లేనంత మాత్రాన....పల్లెటూరు వాళ్ళు అయినంత మాత్రాన మీ హోదాకి తగరని ఎదుటివారిని చిన్నబుచ్చకండి....!!

మనసు అలజడి ఎందుకో...!!

కలలు అలలై వెల్లువెత్తితే...
ఎగసి పడే కెరటాలు....
జోరుగా హోరుమంటుంటే....
ప్రళయంలో ప్రకృతి విలయంలో...
విల విలలాడుతున్న తరుణంలో....
ఒక్కసారిగా ప్రశాంతత....!!
ఎలా సాధ్యం...??
ప్రాణం పోయే తరుణంలోనూ....
నీ ఆలాపనే....!!
నీ పైన ఆరాధనే....!!
ఎందుకో మరి...!!
ఈ మనసు ఆరాటం...!!
దేనికో మరి ఈ ఒంటరి పోరాటం..!!