![](https://blogger.googleusercontent.com/img/b/R29vZ2xl/AVvXsEjFhiSrdGuj4TB5TXUhcb8KRVVmylYGF7HlW3rC-Ttcahd_eTyrQIo5QjHJQIULifx-G331Vo631aO780skhLYWwgLyp9EimMlIYwanrmJZuD4mstA-wr8fEzVf5tjqegTvLbU0J8pFMKo/s1600/khkjoo.jpg)
మనని ఇష్టపడేవాళ్ళు కొందరు... మనం ఇష్టపడేవాళ్ళు మరి కొందరు.... ప్రేమలో రకాలున్నట్లే ఇష్టంలో కూడా బోలెడు రకాలు... కాని అన్ని ఇష్టాలు కలయిక కోసం కాదు.... ఆత్మ తృప్తి కోసం అందుకునే అవ్యాజ్యమైన ఇష్టం... ఆ ఇష్టం నుంచి జనించిన ప్రేమలో అనంతమైన అనురాగం, ప్రేమ, అభిమానం, ఆప్యాయత ఇలా అన్ని కలసిన ఇష్టం చాలా కొద్ది మందికి మాత్రమే దొరుకుతుంది... ప్రపంచంలో అతి గొప్ప ధనవంతులు వీరే అవుతారు... ఇష్టం ప్రేమ రెండు ఒకటి కావు కాని రెండు కలసిన సందర్భం అద్భుతం ఈ సృష్టిలో.... ఆ కలయిక వర్ణించడానికి అక్షరాల అమరిక కూడా అందంగా ఇమడలేదేమో.... మొత్తానికి ఇష్టంగా ఇష్టపడే ఇష్టం కష్టంగా ఉన్నా అందుకే కాబోలు ఇష్టంగా అత్యంత ప్రియంగా ఉంటుంది.... అందుకే ఇంత చెప్పినా ఇష్టం ఇంకా ఇష్టం తెలియని అర్ధంకాని శేష ప్రశ్నగానే మిగిలిపోయింది....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి