రుధిర సౌధం....!!

రెక్కలు తెగిన ఆకాశం
వర్షించిన అరుణ రుధిరం
కట్టలు దాటిన కన్నీటి ప్రవాహం

విరిగిన మనసు శకలం 
ముక్కలుగా పడిన దేహం
కనపడని కలల కధల సాకారం

రాలిన చినుకుల శబ్దం
రాబందుల కబంద హస్తం
కలసిన వికృత చేష్టల రూపం

పలికిన చిలకల పలుకందం
వినపడని విలయ విద్వంసకరం
మూసిన రెప్పల మౌనపు సాక్ష్యం

వాకిలి వద్ద వేచిన ఉదయం
చీకటి దుప్పటి చుట్టిన తరుణం
రుధిర సౌధానికి వేసెను కళ్ళెం....!!