![](https://blogger.googleusercontent.com/img/b/R29vZ2xl/AVvXsEjldBUucKncyxzlYrd4JREPXmIKbPE-Ur0-c1-CLSS2F6vjfzcszG137cVGIFGYxuNhM5x6yfAvW8ZgHHEAO0HoDeFAtXhGPZK97TfrXL9nsOy9FHtEhf19zbFuYcMcPBKlFzOo8pPsISc/s1600/assssssssds.jpg)
తొందర తొందరగా మబ్బులెనక పోతూ ఉంటే
దాగి ఉన్న చందరయ్య చుక్కల నెంటేసుకుని
దోర దోరగా దాపులకొస్తూ చీకటి చెలిమిని
పహరా కాస్తూ మునిమాపున కాపుకాసి
ఎప్పుడెప్పుడా అంటూ వెన్నెల వాకిట్లో
వాలడానికి సమాయత్తమౌతుంటే
సందె వాలిపోతూ ఉంటే స్వాగతం చెప్తూ
మువ్వల సవ్వడి మురిపెంగా అనిపిస్తే
ముగ్ధలా ముడుచుకున్న ముద్దమందారం
ముద్దులొలక బోస్తు ముంగిట్లో ముద్దరాలిలా
తీర్చిదిద్దిన రంగుల రంగవల్లిలో పరచుకున్న
పసిడి లోగిలి పండు వెన్నెల పానుపును
తలపించిన సందె చీకట్లలో మలి ఝాము
మలయ సమీరాలు తాకుతూ మళ్ళి
తొలి పొద్దు వేళను గురుతు చేస్తూ
ఇలానే గడచిపోతోంది ప్రతి రోజు
గిర గిరా తిరుగుతూ మరో ముద్దమందారం కోసం ....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి