![](https://blogger.googleusercontent.com/img/b/R29vZ2xl/AVvXsEhfaUODFvsycJZl2vMvGes74jBBrfL-Q_3lN3eE_OHxRHMryUKmV-EDCIZ0RIakc5koAiiC8xrVs6JG4y1smEOgBbsTYaU46IKS16kdaqvsSyTtnTuUbn_EsqfdJks8rNzHvVAHI2KnfVg/s1600/cchkasjhk.jpg)
పద లయల విన్యాసపు పట్టపు రాణిలా
పరుగుల వరదల పలకరింపుల
మేని ముంగురుల మౌన మరీచికా
ముగ్ధపు కాంతుల ముసిరిన
మువ్వల నవ్వుల స్నిగ్ధ సింగారాల సంపెంగా
అలకల ఉలుకుల అలజడి రేపిన
అందాల అపరంజి బాపు చిత్ర సోయగమా
ముడుచుకున్న ముదిత మోహనపు
మనసు మాటున దాగిన ముద్దమందారమా
అంతరంగపు ఆటల పాటల
తేలియాడే అతివ హృదయపు చిత్రలేఖనమా
చూపరుల నాకట్టుకునే చిరు దరహాసపు
ఆడంబరాలు లేని అలంకారాల అంతః సౌందర్యమా
వశీకరణపు వాకిలి ముందర వలచిన
ప్రేమను వద్దకు చేర్చే అమలిన శృంగారపు నయగారమా
జన్మజన్మాల జాతఃకరణంలో జాగృతి
మరచి జీవనాదాన్ని జగతికి అంకితమొనర్చిన జగన్మాతా
వసంతాల వందనాల వాయులీనాల
స్వర సుస్వర సంగీతఝురుల సారస్వతి నమోనమః....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి