విలువల వలువలు వలుస్తూఆత్మ గౌరవాన్ని తాకట్టు పెట్టి
అందలాలు ఎక్కాలనుకునే
నాయకుల అవసరం మనకు ఉందా...??
గెలుపు గుర్రాల కళ్ళాల కోసం
పదవుల పోరాటాల ఆరాటంతో
అధికారం కోసం పార్టీలు మార్చే
నేతల మాటలకు మరోసారి మోసపోదాం..!!
ఉపన్యాసాల మాటల తూటాలు వింటూ
ఒకరి మోసాన్ని మరొకరు తెలుపుతున్నా
మద్యం మత్తులో రూపాయల వివ్యాసానికి
బలి పోతూ కూడా తెలుసుకోలేని అమాయకత్వమో
అస్సహాయతో నిస్సహాయతో అర్ధం కాకుండానే
మరోసారి మనం పట్టం కడుతున్న ప్రజాస్వామ్యానికి
సాక్షిగా ఉంటూ మౌనంగా రోధిస్తున్న భరతభూమి ఇది....!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి