చివరికి మిగిలే మిధునం.....!!

సమాంతరంగా సహజీవనం చివరి మజిలి వరకు
భావాలు భాద్యతలు ఒక్కటైనా కలవని జీవితాలు
ఆటుపోట్ల అలసట ఆనంద విషాదాలు సమానమే
పక్క పక్కనే ఉంటూ చేరువ కాలేని నిరంతర పయనం
మనిషి జీవితానికి అద్దం పట్టే ఎన్నో మనసుల చిత్రం
మానవ సంబంధాలకు అనుబంధాలకు ప్రతిరూపం
ఎక్కడికో తెలియని ఈ జంట పయనం ఎన్నో అనుభవాల
ఆలింగనాలతో నీ నా తేడా లేక ఒడి దుడుకులు తెలియకుండా
ఎవరి గమ్యాలకు వారిని చేరుస్తూ విశ్రాంతిని మరచిన
ఈ రైలు పట్టాల కధనం చివరికి మిగిలే మిధునం.....!!