గోధూళి గోరింట...!!

 చాలా రోజులకు మళ్ళి పోటికి రాసిన కవితను స్వీకరించి విజేతగా తోటి విజేతల సరసన నిలిపిన కృష్ణా తరంగాలు సమూహపు నిర్వాహకులకు ...సభ్యులకు నా కృతజ్ఞతలు....
గోరింట పండింది గోధూళి మెరిసింది
ముద్దమందారపు  ముగ్ధ చేతి నిండా
సిరుల చిరునవ్వుల చందనాలు
అందమైన అరచేతికి ఆభరణంగా
అమరిన  ఎరెర్రని ఛిలుక ముక్కుల
చందాన అతివ సింగారం ఈ గోరింట
ఆషాఢపు ఆనవాలు మగువ చేతిలో
ముగ్గిన ముగ్గుల సోయగాలు ముంజేతిలో
గమ్మత్తుల జ్ఞాపకాలు గోరింట ఆనవాలు
చిన్నప్పటి తీపి గురుతులు చూసుకున్నా
వధువుగా మారిన జవరాలి సిగ్గుల మొగ్గలు
చెంపల కెంపుల ఆనందాలు ఈ గోరింట పండిన
అరచేతి వయ్యారపు సయ్యాటల కేరింతలు