మరోసారి నిరూపితం...!!

ఎండమావులను చూసి
అనుబంధాలని భ్రమ పడుతూ
అందని ఒయాసిస్సుల కోసం
పరుగులు పెడుతున్న రోజులివి

పగలే నక్షత్రాలకై ఆశపడుతూ
రాతిరి వరకు వేచి ఉండలేని
ఉరుకుల పరుగుల జీవితాల్లో పడి
అందని ఆకాశానికి నిచ్చెనలేస్తున్న కాలం

కోరికలకు కళ్ళాలేయలేక సతమతమౌతూ
మంచి చెడు విచక్షణలో విలక్షణంగా మారి
విలాసాలకు విధులు బానిసలు కాగా
ఎందఱో అమ్మల ఆక్రోశానికి రగులుతున్న రావణకాష్ఠం

బజారు బతుకులంటూ నడిరోడ్డున నీతులు వల్లిస్తూ
పుస్తకాల్లో దాగి కళ్ళు విప్పి చూడలేని న్యాయం
కార్పోరేట్ చేతిలో గిల గిలలాడుతూ కదలనని
మోరాయించే చైతన్యానికి చిరునామాగా మరోసారి నిరూపితం...!!