అభివృద్ధి..!!

నవ మాసాల్లో

రాలిన నవ రత్నాలు

ఏరుకుంటున్న ఆంధ్రులు

మెుదటి అడుగు నుండి

అభివృద్ధికే పెద్ద పీటట

అవినీతి అంతమే ధ్యేయమట

ప్రజలలోనికి పాలనట

పారదర్శకతకు క్రొంగొత్త అర్థం 

పురోగమనమన్న అధికారం

చట్టమెవరి చుట్టమెా

చట్టసభల సభామర్యాదలేంటో

కనులకింపుగా తిలకింపులు

అధికారభాష ఏమిటన్నది

తేటతెల్లమైన క్షణాలు

ఎలా నేర్చుకోవాలో తెలుపుతున్న నాయకులు

భాషా ప్రాతిపదికన ఏర్పడిన రాష్ట్రంలో

ఆ భాష మనుగడే వద్దంటున్న అధినాయకుడు

పరాయి భాషతో ముందడుగంటు ప్రగల్భాలు

దైవంతో ఆటలు

దైవత్వాన్ని అపహాస్యం చేయడంతో

అహం చల్లార్చుకుంటున్న కుటిలనీతి

కక్ష సాదింపుల కార్పణ్యం

రైతన్నకు మిగిలిన శోకం

ఆడబిడ్డలకు అవమానం 

సుపరిపాలనంటూ 

స్వయంపాలనకు తెర లేపి

అనుయాయులకు కనకపు సింహాసనాలు

ఉచితాలకు తలొగ్గిన ఆంధ్రుడా

తిరోగమనమేదో తెలుసుకోరా

తొందరపడి ఓ అవకాశమిచ్చినందుకు అంధకారమైనదిరా నీ బ్రతుకు...!!