వరాల జల్లు..!!

చేజారిన స్వప్నం

కాలం నవ్వుల్లో 

కలవలేక వెలితి పడింది 

మనిషితనం 

మర్చిపోయిన వితండవాదం

వింత పోకడలు పోతోంది

మనసు రాల్చే కన్నీరు

కనుకొలుకులను దాటలేని

నిస్సహాయతతో మిగిలింది

అక్కున చేర్చుకోవడానికి

అక్కరకు రాని బంధాలన్నీ

ఆమడ దూరంలోనే ఆగిపోయాయి

అహం విదిల్చిన 

విషం చిమ్మిన వికృతాకారం

వికటాట్టహాసం చేస్తోంది

పరిహసించిన తలరాత

పర్యవసానం తెలియక

తల్లడిల్లుతూ తలపోస్తోంది 

కలానికి కాలానికి

కుదిరిన లంకెతో

అక్షరం వరాల జల్లు కురిపించింది...!!