మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
బాధ్యత
భరించలేనంత
బరువుగా మారుతుందని
బంధానికి తెలియలేదప్పుడు
కష్టాన్ని
ఇష్టంగా మలుచుకుంటే
నష్టపోతున్న కాలం
మృష్టాన్న భోజనాన్ని తలపిస్తుందేమో
కోపం
శాపంగా మారక మునుపే
శాంతం చుట్టమైతే
భారం మనసు భరించేస్తుందేమో
ముందు తరానికి
మునుముందు వారసత్వానికి
నడుమ మిగిలి నలుగుతూ
నవ్వుల కన్నీరు అలంకారమైందిప్పుడు
వెలుతురు చుక్కలు
రాతిరి రవ్వల రేఖలు
ఏ కాంతి పుంజాలను తలపిస్తాయోనని
ఆశల ఆకాశాన్ని అడిగేయడమే..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి