ఏ జీవితం ఎటు వైపో....!!

జరిగి పోయిన గతం
చే...జారి పోయిన జీవితమని తెలిసినా...!!
జరుగుతున్న వాస్తవం
నిజమని తెలిసినా...!!
జరగబోయే వర్తమానంలో
చేదు నిజాలున్నాయని తెలిసినా....!!
అంతరంగపు అలల కల్లోలంలో
ఊహల్లో వాస్తవాలు భయపెడుతుంటే
జ్ఞాపకాల్లో బతకలేక
వాస్తవానికి దగ్గర కాలేక
రాజి పడలేని నిరాశాజీవి
అటు ఇటు పోలేక
ఎటు పోవాలో అన్న అయోమయంలో
అక్కడే ఆగిపోతే....!!
చే జారి పోయిన జీవితాన్ని
తిరిగి దక్కించుకునే ప్రయత్నంలో
అదరక బెదరక అవిశ్రాంతంగా 
నిరంతర పోరాటంలో ఆశాజీవి...!!