అమ్మ...!!

దిగంతాల అంచుల నుంచి దైవత్వపు మనసులను
దోచే కమ్మనైన కమనీయ కావ్యం అమ్మ....
భాషల రూపాలు ఎన్నైనా భావాలు
మారని మధుర పలుకులు అమ్మ...
సృష్టికి మూలం ప్రేమకు మార్పులేని
మార్చలేని నిఘంటువు అమ్మ...
జీవాన్ని నవ్వుతూ వదులుతూ
జీవితాన్ని అందించేది అమ్మ...
మోసం ద్వేషం తెలియని మానవత్వపు
మమకారానికి ప్రతిరూపమే అమ్మ...
కన్నీటిలో సంతోషాన్ని చూపించే
ఒకే ఒక్క అమృతమూర్తి అమ్మ...
అమ్మ పిలుపు అమృత భాండాగారాల
వెలకట్టలేని విలువల సంపదే...
అమ్మ అన్న తలపుల ఆనందమే
చెప్పలేని భావాల అక్షర అనుభూతుల
అనురాగ స్రవంతే అమ్మ...!!