ఏక్ తారలు....!!

1. వెన్నెల వగలు పోతోంది_చిరునవ్వుల నయగారాలకు
2. వాలు చూపులకు వల విసిరింది_పదాల భావాలకు బందీగా మారి
3. ఏక్ తార ఒకటైనా_భావాల వర్షమే నిరంతరం
4. వలలు వేస్తున్నా_వలపై వచ్చి వాలతావని
5. వేణువుకు జన్మనివ్వడానికి_వెదురు పురిటి నెప్పుల రాగాలు
6. అక్షరాలకెంత ఆనందమో_భావాలలో ఒదుగుతున్నందుకు
7. సూదంటు రాయిలా నీ ఆకర్షణ_సుతిమెత్తగా తాకినందుకేమో
8. ఏకాంతానికి సెలవంది_ఏక్ తారగా నా మదిని దోచిన భావాల ఝురి
9. ఏక్ తార_ఎదను పరిచే అక్షర సితారగా
10. ఆ పలకరింపే_దూరానికి దగ్గరకు ఉన్న తేడా తెలుపుతూ