శకలాలన్నీ శరాలుగా మారి
శాపాలై చుట్టేస్తూ
అస్పష్ట విజయంలో
మిగిలిన ఉన్మాదపు
అవశేషాల ఆనవాళ్ళకై
రణభూమిలో రాబందులను
పారద్రోలుతూ వెదుకులాటను
నిర్విరామంగా కొనసాగిస్తూ పోతుంటే
స్మశాన నిశ్శబ్దం చుట్టేసి
వేదనల్లో వైరాగ్యమలుముకుని
అబద్ధానికి కావలి కాస్తున్న
అధికారపు అంధకారానికి
నిజాయితీ నిప్పురవ్వలు
రగిలించిన చితిలో
ఏ హడావిడి లేని
సత్యం నిర్భయంగా నిలిచింది...!!
ఎవరి పక్షం ఎవరి పక్షం
న్యాయమెవరి పక్షం
ఎవరి పక్షం ఎవరి పక్షం
ధర్మమెవరి పక్షం
ఎవరి పక్షం ఎవరి పక్షం
ప్రజలెవరి పక్షం
ఎవరి పక్షం ఎవరి పక్షం
ప్రకృతెవరి పక్షం
...
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి