మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
చేజారిన క్షణాలను
అక్షరాల్లో వెదుకుతున్నా
మాసిపోయిన జ్ఞాపకాలను
పదిలపర్చుకోవాలని చూస్తున్నా
రాలిపడిన కన్నీళ్ళను
గుప్పెట్లో దాయాలనుకుంటున్నా
కలత చెందిన కలలను
కలవర పడవద్దంటున్నా
గాయపడ్డ గుండెను
గతాన్ని మరవద్దంటున్నా
మౌనమైన మనసును
మాయమై పొమ్మంటున్నా
రెప్పలిప్పని కనులను
రేయి చాటునే దాగిపొమ్మంటున్నా
పలుకరించే భావాలను
పదవిన్యాసం చేయమంటున్నా
వేధించే వెతలను
వారించే జీవనచిత్రమిదేనంటున్నా...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి