నానీల తీరాన

 “నానీల తీరాన”

మనసును

ఇచ్చేసింది అక్షరాలకు

అనుభవాలను

నానీలుగా మార్చేస్తూ..!!

పుస్తకం నా చేతికి వచ్చి కొన్ని రోజులయినా తీరికగా తరువాత చదువుదాములే  అని పెట్టుకున్నా. ఈరోజు ఎందుకో అసలు ఏముందో చూద్దామని తీసానా..!! ఇక మెుదటి నానీ నుండి చివరి నానీ వరకు ఆపలేదు. ఇది బావుంది, ఇది బాలేదు అని లేదు అన్నీ చాలా పరిణితితో రాసినట్లుగా అనిపించాయి. జీవితంలో అన్ని పార్శ్వాలు చవి చూసినట్లుగా అర్థమయ్యింది. అమ్మమ్మ నుండి మెుదలెట్టి అమ్మ, నాన్న, గురువు, పల్లె, పట్టణం, అనుబంధాలు, ప్రేమలు, కన్నీళ్లు, గాయాలు, డబ్బు, రాజకీయం, చీకటి, వెలుతురు, చిన్నతనం, స్నేహాలు, సముద్రం..ఇలా ఒకటేమిటి ప్రతిదీ నాకయితే అద్భుతమే అనిపించింది. పుస్తకానికి పేరు సరిగ్గా సరిపోయింది. గాయాలను గురువుతో పోల్చడం చాలా బాగా నచ్చింది. 

ఓ మంచి పుస్తకం చదివిన అనుభూతిని అందించిన “ నానీల తీరాన” ఎన్ లహరికి హృదయపూర్వక అభినందనలు.