తరచి తరచి చూశాతరలి రాని మది కోసం
పిలచి పిలచి అలిశా
పలుకని పాషాణాన్ని
వలచి వలచి వేసారా
వలపు వాకిలి ముంగిట
కలల కళ్ళలో సేదదీరా
స్వప్నమై చెంతనుంటావని
మనసు పరచి మౌనానికి తెలిపా
నా మౌన భాష్యం నీవని
అక్షరాల జతను అందుకున్నా
అందమైన భావాలకు రూపమివ్వాలని
పంచుకున్నా మనసుతో బంధంగా
వేకువ వెలుగు రేకలతో నీ కోసం పయనమై
చీకటి దుప్పటి చుట్టేసి నిశీధి తలుపు మూసేసా
నిరీక్షణకు నిలయంగా నే మారినా
చేవ్రాలుకు చిక్కని చిరునామా నీదైనా
మరులుగొన్న హృదయానికి
మమత పంచే ముచ్చట మహదానందమే....!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి