ఎన్ని దుఃఖాలను మెాస్తోందో
యుగాల తరబడి ఈ అవని
ఎందరి కడుపుకోతలను
భరిస్తోందో ఏళ్ళకేళ్ళుగా
గుండె గాయాల గుబుళ్ళను దిగమింగుతూ
కన్నీటి సంద్రాలను మెాయడం తనకలవాటే
బడబానలాలను దాచుకుంటూ
పచ్చని పచ్చిక తివాసీ పరుస్తుంది
అవమానాలందుకున్న అతివలను
అక్కున చేర్చుకునే అమ్మ
దాయాదుల పోరులో ధర్మానికై
రక్తాశ్రువులను భరించిన ఓరిమి తనది
కలియుగంలో కలత చెందిన
కలలకు రోదనాశ్రువులను తోడుగా నింపినది
ప్రకృతి విలయానికి పంచభూతాల సాక్షిగా
కన్నీళ్లను మింగిన నేల ఇది...!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి