నీడలెప్పుడూ సడి చేయవు
నిమ్మళంగానే అనుసరిస్తూ
వెన్నంటే ఉంటాయెప్పుడు
యుద్ధం అనివార్యమైనప్పుడు
నిరాయుధులమైనా పోరాడక తప్పని స్థితి
అది కాలం నేర్పే పాఠం
శబ్దమెప్పుడూ పలకరిస్తూనే ఉంటుంది
(మ)రణ భూమిలో సైతం విడువక
బంధాలను గుర్తెరగనీయక
ఒక్కసారిగా ప్రపంచాన్ని ఉలిక్కిపడేలా చేసి
కనిపించని కోరలతో
నిశ్శబ్దంగా కాటేస్తోంది కరోనా రక్కసి
చీకటిలో కనిపించని నీడ
మౌనంలో దాగిన నిశ్శబ్దం
జన జీవితాలపై పడిన నిశ్శబ్ద యుద్ధాల నీడలేనేమెా..!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి