5, ఏప్రిల్ 2020, ఆదివారం

నీకు నాకు మధ్య...!!

ఏం మిగిలిందని
నీకు నాకు మధ్యన

పంచుకున్న అనుబంధాలా
పెంచుకున్న బాంధవ్యాలేమయినానా

మన మధ్యన కాలం నడిచెళ్ళిపోతూ
వదిలేసిన ఆనవాళ్ళేమున్నాయని 

చెప్పుకోవడానికయినా 
దాచుకోవడానికయినా ఏమున్నాయని

జ్ఞాపకాలు విదిల్చిన క్షణాలలో
కొన్నయినా కన్నీళ్లుండని కలలున్నాయా

రాలిన నవుల్లో రాగాలను
నయగారాలతో మరిపించడానికి ఏ లేపనముందంటావ్

జీవితేచ్ఛ నశించిన జీవికి
ఇహపరాలకు తేడా ఏముందంటావ్

అన్నీ వెరసి
నీకు నాకు మధ్యన మిగిలింది శూన్యమే...!!

0 మీరేమనుకుంటున్నారో.....చెప్పేయండి:

కామెంట్‌ను పోస్ట్ చేయండి

తెలుగులో రాయడానికి www.lekhini.org కి వెళ్ళండి

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner