26, అక్టోబర్ 2020, సోమవారం

శిఖరాగ్రమంటే..!!

నాన్న చేయి పట్టుకుని 
నడిపించినప్పటి
ఆనందమా

అమ్మ కొంగు చాటున
దాగిన చిన్నప్పటి
అమాయకత్వమా

ముసుగులను తొలగించిన
మనిషితనాన్ని చూసినప్పటి
మనోగతమా

గాయాల జ్ఞాపకాలను
గతానికి అమ్మేసినప్పటి
పనితనమా

కలతలను కలలుగా మార్చేస్తూ
అక్షరాలతో ఆడుకున్నప్పటి
ఆత్మస్థైర్యమా

చరిత్రలో మిగలకున్నా
చెదరని చిరునవ్వుకు
చిరునామాగా మిగలటమా..!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner