8, ఫిబ్రవరి 2022, మంగళవారం

జీవన పోరాటం పుస్తక సమీక్ష..!!

​అభినందనలు గుడిమెట్ల చెన్నయ్య గారు.

మనఃపూర్వక ధన్యవాదాలు నవ మల్లెతీగ సాహితీ సంపాదక వర్గానికి, యాజమాన్యానికి…

  సమాజం బావుండాలంటే మార్పు మనిషిలో రావాలి..!!    

     సమాజంలో మనం బతుకుతున్నామంటే కనీసం మన పక్కవారిని పట్టించుకునే మానవత్వం కాస్తయినా ఉండాలి. ఈనాడు ఒకే ఇంటి కప్పు కింద బతుకుతున్న అపరిచితులెందరో మన సమాజంలో వున్నారు. తాను నివసించేది పరాయి రాష్ట్రమైనా తెనుగు భాష తీయదనాన్ని ఆస్వాదించడమే కాకుండా పదిమందికి ఆ ఆస్వాదన రుచి చూపిస్తున్న మానవీయులు శ్రీ గుడిమెట్ల చెన్నయ్య. 

     తన చుట్టు జరుగుతున్న సమస్యలను, చూసిన అనుభవాలను కవితా వస్తువులుగా తీసుకుని చక్కని వచన కవితలు “ జీవన పోరాటం “ కవితా సంపుటిగా మలిచారు. వాడుక వచన భాషల్లోనే ఈ కవితలన్ని మనకు కనిపిస్తాయి. మనతో చెప్తున్నట్లే అనిపిస్తాయి చదువుతుంటే. ఆది గురువు అమ్మతో మెుదలుబెట్టి అనంతమైన జీవితపు లోతుపాతులను, సాధారణ మనిషి నుండి అసాధారణ వ్యక్తిత్వాల వరకు మనకు పరిచయం చేసారు. తెలుగు భాష గొప్పతనాన్ని వివరించారు. తోటి మనుష్యుల మనసుల్లోని రకరకాల ఆలోచనలను, లోపాలను ఎత్తి చూపారు. అనుబంధాల విలువలను, మనకుండాల్సిన మానవత్వపు మనిషి లక్షణాలను చాలా సోదాహరణంగా వివరించారు. బాల్యాన్ని, కౌమారాన్ని, యుక్త వయసు, వృద్ధాప్యాన్ని వివరిస్తూ,  ఆ వయసులలో మెలగాల్సిన పద్ధతులను, తెలుకోవాల్సిన విషయాలను చెప్తూ, మానసిక సమస్యలను కూడా చక్కగా వివరించారు. రాజకీయ నాయకుల నుండి తెలుగు భాషాకోవిదులందరిని తన కవితల్లో గుర్తు చేసుకున్నారు. ఇవన్నీ కాకుండా సాహిత్య సభల్లో తెర వెనుక జరిగే చర్యలను వివరించారు. కవికి/రచయితకు ఉండాల్సి లక్షణాలను చెప్పారు. అన్ని వెరసి మనిషిగా ఎలా బతకాలో, బతకకూడదో సుస్పష్టంగా చెప్పారు. ఈ “ జీవన పోరాటం “ కవితా సంపుటి పూర్తిగా వచనమైనప్పటికి, శైలి కొత్తగా అనిపించింది. ఈ తరహా వ్యావహారిక వచనా శైలి  పాఠకులకు ఇబ్బంది లేకుండా ఉంటుందన్నది నా అభిప్రాయం. 

     సమాజానికి, సామాన్యునికి పనికివచ్చే ఎన్నో విషయాలను చక్కగా తేట తెనుగులో వచన కవిత్వంగా చేసి “ జీవన పోరాటం “ కవితా సంపుటిని అందించిన శ్రీ గుడిమెట్ల చెన్నయ్య గారికి హృదయపూర్వక అభినందనలు.

3, ఫిబ్రవరి 2022, గురువారం

వెలకట్టలేని సంతోషాలివి..!!

​కొన్ని సంతోషాలను పంచుకోకపోవడమూ తప్పే…బాబాయ్ థాంక్యూ సోమచ్

మీ పర్మిషన్ తీసుకోకుండా మీ మాటలను యథాతథంగా..🙏

నా పుస్తకం “ కాలం వెంబడి కలం “ పిడిఎఫ్ పంపించిన తర్వాత డాక్టర్ డి ప్రసాద్ గారి మాటలు..


వుండమ్మా డిస్టర్బ్ చేయకు...ఇప్పుడే మొదటి 24 పేజీలు చదివేశాను.

ఇంతలో నీ మెసేజ్ వచ్చింది.

     ఎంత బాగా రాసారో.  ...నీ గురించి....

చాలా చాలా ఆనందంగా ఉంది... మoజమ్మాయి...


లోగడ ఎపిసోడ్స్ గా వచ్చినప్పుడు తరువాత వచ్చేదానికోసం ఆతృతగా ఎదురు చూసే వాళ్ళం.

          ఇప్పుడు ఒకే బిగిని చదివించేస్తోంది...అంత మాగ్నేటిక్ ఫోర్స్ ఉంది ...కధా కథనంలో.... చెప్పే విధానంలో...

నిజాయితీ  ,ముక్కుసూటితనం అలవోకగా రాసే నైపుణ్యం ,....హృదయానికి సూటిగా తాకే అక్షరతూణీరాలు

మంజూ స్వంతం....

Proud of You Manju


ఒక జీవితంలో పది జీవితాలను అనుభవించావు.

          గాంధీ గారి    " సత్య శోధన "  పుస్తకం తరువాత అంతటి స్థాయిలో సత్యశోధన కనిపించిన పుస్తకం ఇదే.... నా దృష్టిలో.....

       చిన్నదానివైనా. ..  ...(.మా అబ్బాయి వయసే

నీకు) పాదాభివందనం ...చేయాలని పిస్తోంది...మంజమ్మా..


ఇంతకన్నా ఇంకేం కావాలి..


విజయలక్ష్మి పోతేపల్లి మాటలు…


👍😊❣️ మీ రాతలు చదివి మారుతున్న వారిలో మారాలనుకొనేవారిలో నేను ముందుంటాను మంజూమేడం. ఇప్పటికీ అనుకొనేది ఒకటే మీ పరిచయం ఇంకొన్ని సంవత్సరాల ముందు జరిగిఉంటే నా జీవితం నిజంగా ఇలా మాత్రం ఉండిఉండేది కాదు.ఎంతో మార్పు జరిగేది సరైన మార్గంలో.వేరేవాళ్ళ గురించి నాకు తెలియదు నా వరకూ మంజూమేడం అంటే మంజూమేడమే.ఒక నమ్మకం ఒక ఓదార్పు ఒక ఆరాధన ఒక ఆదర్శం.వెరసి నా గురువుణిగారు.నేను ఈ పీడీఎఫ్ ఏమీ చదవలేదు.మీ మాట ఒక్కటే చదివా.అది చూసే రాశా ఇలా.🙏🙏🙏


చదివి మొత్తం పోస్ట్ పెడతా.తర్వాత.


థాంక్యూ సోమచ్ విజయా

29, జనవరి 2022, శనివారం

త్రిపదలు..!!

​1.  అప్పుడప్పుడూ కొన్ని జ్ఞాపకాలు 

పలకరించి వెళుతుంటాయలా

కాలాన్ని మన గుప్పెట్లో దాచేసి..!!

2.  మనసందుకే

ముడుచుకు పోయింది

మాటల గారడిని మరువలేక..!!

3.  మౌనం గుట్టు విప్పేది 

మనసు తెలుసుకుంటావని

మాటలు వింటావని కాదు..!!

4.  నాన్నింతే

బాధ్యతల నడుమ

బంధాలను దాచేస్తూ..!!

5.  మనసెందుకో

మారాడకుంది

మన అన్నది కాదని తెలిసాక..!!

16, జనవరి 2022, ఆదివారం

జీవన ‘మంజూ’ష ఫిబ్రవరి22

నేస్తం, 
        ప్రశ్నలడిగే ప్రతోడు సమాజోద్ధారకుడూ కాదు. అలాగని ప్రశ్నించని వాళ్ళందరూ బాధ్యత లేనివారు కాదు. కులం మన పుట్టుకతో వస్తుంది. దానిని మార్చలేం. ఇక మతం అంటారా అది మనిష్టం. మనమెంత మేధావులమైనా మరో కులం మీద పడి ఏడవడం మన దౌర్భాగ్యం. ఏ మతం మరో మతాన్ని అవహేళన చేయమని చెప్పలేదు. మనసులో మీకున్న అసంతృప్తిని ఇలా పరాయి కులమతాల మీద విషం చిమ్మి, అవహేళన చేసి మీ దుగ్ధ తీర్చుకోవడం సరే, దానికి మహా మహా మేతావులందరూ ఆహా ఓహో అనడం కొసమెరుపు. విశృంఖలత్వాన్ని స్వేచ్ఛగా పరిగణనలోనికి తీసుకోవడమన్నట్టుగా అన్నమాట. 
              పరమత సంప్రదాయాలను కించపరచడం, పురాణ ఇతిహాసాలను గేలి చేయడం, అలా చేసిన మేధావులను సమర్థించడం కొందరు చేసే పని. జన్మతః వచ్చిన కులాన్ని కాదనుకోలేం కదా ఎవరమైనా. ఎంత మనం మన కులాన్ని దాచినా నిజం దాగదు. రాత్రికి రాత్రి సెలబ్రిటి అయిపోదామని అడ్డదారుల్లో పోతే నడవడానికి కాళ్ళు లేకుండా పోతాయి. తప్పుడు కూతలు కూస్తే పర్యవసానం కఠినంగానే ఉంటుంది. ఈరోజు కాకపోయినా రేపైనా మన కర్మ ఫలితం మనం అనుభవించాల్సిందే. 
           కొందరి చావుని హేళన చేసారని వాపోతున్న జాలిగుండెలన్నీ, తన స్వార్థం కోసం నోటిని అదుపు చేసుకోని తనాన్ని ప్రశ్నించలేదెందుకో? నిజాయితీ, నిక్కచ్చితనం అన్నింట్లో ఉండాలి కదా. పథకాలు, పదవులు, పురస్కారాల కోసం, రిజర్వేషన్లు అనుభవించడానికి కులాలను అడ్డం పెట్టుకునే తెలివిగల వారికి ఈ విషయం గుర్తులేదా? సంస్కారం మనకుందో లేదో మన తీరుతెన్నులు చెప్పకనే చెప్తాయి. గొప్పదనం మనం ఆపాదించుకుంటేనో, మన కులం, మతం చూసో, లేక మన వెనుక డబ్బు, హోదా ఉంటేనో రాదు. స్వతహాగా రావాలి. అప్పుడే వాటికి విలువ.
      బాధ ఎవరిదైనా ఒకటేనని ప్రతి మనిషి గుర్తెరగాలి. వెక్కిరింతలు మనకే కాదు ఎదుటివారికి కూడా బాగా వచ్చని తెలుసుకుని మసలాలి. అక్షరాలను, మాటలను వాడే నోటిని కూడా అదుపులో పెట్టుకోవాలి. మన వ్యక్తిత్వం, మనకు మన తల్లిదండ్రులు, గురువులు నేర్పిన సంస్కారం మన నడవడిలో ఉండాలి. సూక్తిసుధలు వల్లించే నీతిమంతులందరూ ఈ విషయాన్ని కాస్త గుర్తెట్టుకోండి. మనిషన్నాక చావుపుట్టుకలు సహజం. రేపటి మన చావుని చూసి నలుగురు నవ్వుకోకుండా బతకగలిగితే చాలు. మనిషిగా మనం విజయం సాధించినట్లే...!! 


10, జనవరి 2022, సోమవారం

నవభూమిలో నా గురించి..

​షైక్ అబ్దుల్ అజీద్ గారికి , నవభూమి పత్రిక యాజమాన్యానికి మనఃపూర్వక ధన్యవాదాలు

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner