ఆట ఆట దేవుడు మనతో ఆడే ఆటపరుగు పరుగు కాలంతో పరుగు
ముడి ముడి జీవితంతో ముడి
జీవితం జీవితం ప్రతి క్షణం పోరాటం
ఆటలో ఓడినా పరుగు ఆపినా
ముడి విడిపోయినా జీవితంలో....
మిగిలేది ఓటమే...ఒంటరితనమే...!!
దైవం ఆడే చదరంగంలో...గెలుపోటములు
దైవాధీనాలే....!!
అయినా పోరాటం తప్పదు....జానెడు పొట్టకు...
బతుకు పయనానికి....కాలంతో...పరుగు...!!
గులక రాళ్ళున్నా...గులాబి ముల్లు గుచ్చుకున్నా...
మల్లెల సౌరభానికి ఎంత దూరమైనా....
పయనాన్ని సాగిస్తాం...రేపటి మీద ఆశతో...
ఈ రోజు నిరాశని మర్చిపోయి...!!
ఇదే సగటు మనిషి జీవన విధానం.!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి