నిన్ను ఇంకెలా వెదకను...!!

జ్ఞాపకాల నీడల్లో వెదుకుతూనే ఉన్నా
గతాన్ని కదుపుతూనే ఉన్నా
వాస్తవమై నువ్వెప్పుడు వస్తావని...!!

నిశీధి నీరెండలో చూస్తూనే ఉన్నా
ఏ మిణుగురు వెలుగుల్లో అయినా
కనిపించక పోతావా అని...!!

నీ మనసు మాయలో పడి
నన్ను నేను మరచి పోతానేమోనని
అనుక్షణం భయపడుతూనే ఉన్నా....!!

ఈ భయాల వెదుకులాటలో
దరి చేరని బంధాల భావాలు
నీకు తెలియకుండానే ఎన్నో  ఎన్నెన్నో....!!

చెలిమి తలపు మనసు మమత
మాయని మౌన వీచికలుగా తాకుతూ
నేనెక్కడో తెలియని నన్ను నీలో చూపించిన
నిన్ను ఇంకెలా వెదకను...!!