నా ఎరుకలోకి రాని నీ ప్రేమ....!!

అవునూ ఓ నిజం చెప్పు....!!
నిజంగా అది ప్రేమేనా...!!
ఇష్టానికి మరో పేరు ప్రేమేనా...!!

ప్రేమైనా...ఏమైనా...ఇష్టమైనా...మరేదైనా...అంతర్గతంగా నీ మనసులోని చెప్పనలవికాని ఊహల మాటలకు నీలోని మరో మనిషి సాక్ష్యం కదూ....!! ఎందుకోయ్...!! ఆ మనిషిని పదే పదే తట్టి లేపుతున్నావు.? ఒంటరిగా నువ్వున్నప్పుడు నా ఆలోచనలు నిన్ను చుట్టుముడుతుంటే అది ప్రేమేమో అని భ్రమలో ఉన్నావేమో...!! అలా కోపంగా చూడకు ఓ క్షణం ఆలోచించు...!! అయినా ప్రేమే జీవితం కాదు కదా...జీవితంలో ఓ మధుర క్షణం లేదా మధుర జ్ఞాపకం కావచ్చు...దాని కోసం అన్ని కోల్పోనక్కరలేదు...మనిషిని జీవశ్చవాన్ని చేసే ప్రేమ ప్రేమ కాదు...నవనాడులలో జీవాన్ని నింపి జీవితానికి ఓ అర్ధాన్ని...గమనాన్ని నిర్దేశించేదే నిజమైన ప్రేమ....!!
ప్రేమ ఎప్పుడు ప్రేమగానే ఉంటుంది...మనకి దొరకలేదని ద్వేషంగా మార్చుకోవడమే తప్పు.
ప్రేమను ప్రేమించే ప్రేమ ఎప్పటికి ప్రేమగానే ఉంటుంది. నీకిష్టమైన  ప్రేమ నీలోనే ఉంది.. నీతోనే ఉంది...మరి నిన్ను వదలి పోయిందని ఎందుకనుకుంటున్నావు..? ఎప్పటికి నీతోనే ఉండే నీ ప్రేమను నీతో లేదని దిగులు పడకు...నిరాశ చెందకు...!! నీలోనే నేనున్నా ఇన్నాళ్ళు నాకే తెలియని నీ ప్రేమ నిన్ను కాదని ఎలా వెళిపోతుంది...? నీ ప్రేమ  ఎంతో ఇష్టంగా నీ దగ్గరే ఉంటుంది ఎప్పటికి....!! అయినా నీ ప్రేమ గురించి నీకు తెలుసు కదా...!!
అవునూ ఇదంతా నీకెందుకు చెప్తున్నాను...నువ్వేంటో నాకు తెలుసు కదా...!! నా ప్రేమ నా ఇష్టం నువ్వెవరు నాకు చెప్పడానికి అంటావు కదా...!! నేనెవరో నీకు తెలియదా...!! నీలోని ఆ మరో మనిషినేగా నేను...!!