మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
చిన్ననాటి చిత్రాలన్నీ
చెదిరి పోయాయి
జ్ఞాపకాలన్నీ
చెల్లాచెదురైయ్యాయి
చేజారిన క్షణాలన్నీ
చిత్తరువులై మిగిలాయి
రాలిన కలలన్నీ
రాతలుగా మారాయి
మురిసిన ముచ్చట్లన్నీ
మౌనమైయ్యాయి
అలిగిన అలకలన్నీ
అలసిపోయాయి
మనసు గాయాలన్నీ
అక్షరాలనాశ్రయించాయి
చెప్పని కథలన్నీ
కంచికి పోనని మారాం చేస్తున్నాయి
కనుమాయలన్నీ
కనుమరుగు కాలేక కదలాడుతున్నాయి
చివరి చూపులన్నీ
చిందరవందరగా పేర్చబడ్డాయి
ఆపలేని కాలాన్ని
దిగులు దుప్పట్లు కమ్మేసాయి...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి