మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
ఏ దారెటు పోతున్నా
తడబడే అడుగులకు
తెలిసిన రహదారే అది
గమనం సాగుతూనే ఉన్నా
గమ్యానికి చేర్చే బాట
అడ్డదిడ్డమై అడ్డు తగులుతోంది
పంతాలకు బోయిన అహాలు
ససేమిరా దిగిరామని హుంకరిస్తూ
తమ ప్రతాపాన్ని తెలియజేస్తున్నాయి
కలలన్నీ ఎదురుచూస్తూ
నిదురబోయే క్షణాల కోసం
కావలి కాస్తున్నాయి ఎప్పుడెప్పుడా అని
మెలకువలోనే మరణాన్ని
మరో రణాన్ని ఆవాహన చేసుకున్న
మనోసంద్రం నిరాకామైందని తెలుసో లేదో...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి