మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమనే అర్థమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
ఏళ్ల తరబడి
గుర్తుకురాని
అనుబంధాలు
అత్యవసరంగా
ఆప్యాయతలు
కురిపిస్తున్నాయెందుకో?
గడిచిన
ఇన్ని దశాబ్దాలలో
కనీసం ఓసారైనా
పుష్కరాలకు పిండం పెట్టడం
చేతగాని మన చేతులకు
ఇప్పుడు..
పాలరాతి మండపాలు
కట్టేయాలన్న తపనెందుకో?
ఆనాటి నుండి ఈనాటి వరకు
రక్త సంబంధాల దయే
మన తిండికి
ఆధారమైనదని మరిచి
దాష్టీకం చేయాలని
ఉత్సాహంగా ఉవ్విళ్లూరుతుంటే
కాలం చూస్తూ ఊరికే వుండదు
ఎంత తిన్నా తీరని ధనదాహానికి
మూల్యం చెల్లించక తప్పదు..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి