బావుంది నాకు....!!

వెంటరాని నీడ ఉన్నా 
మాట వినని మనసు అయినా
గాయం చేసిన గతమైనా
చేదుగా ఉండే వాస్తవమైనా
భరించలేని నిజమైనా
ఒప్పుకోలేని అబద్దమైనా
అదే నేను....!!

అనుక్షణం వెన్నంటి ఉండే తోడూ
అహర్నిశమూ నాతోనే లోకమంటూ
ఎప్పుడూ నా చుట్టూనే పరిభ్రమించే
నీ తలపుల సుగంధాలు
మత్తుగా గమ్మత్తుగా అనిపిస్తూ
గతాన్ని మరచి
మదిలో గూడు కట్టుకున్న
భయాల్ని వదలి
నా నిజమైన తీయనైన వాస్తవం
నువ్వని తెలిపిన క్షణం.....!!

మరచిపోలేని  ఆ క్షణం
నన్ను నేను మరచిన క్షణం...!!
నీ కోసం తపించిన క్షణం...!!
అందమైన అబద్దమైనా
బావుంది నాకు....!!
అలా నీతో నేనుండటం....!!