![](https://blogger.googleusercontent.com/img/b/R29vZ2xl/AVvXsEj_wYD4jBISYdHVbwApCEkNnW20YuSW89mKetBW0fyVDHVo2TMHWmmsl0rkr_I0lNwveMq2SNbC8ihGBjVtYY_XmiM-iB1M1kJx7muP7wKF3A8UHotlHHWUm64lFGpUScI1LQmVGVqGljI/s1600/kli.jpg)
నువ్వేమిటో నాకు తెలియదనుకుంటున్నావా...!!
నాకు తెలిసిన నువ్వు నీకు తెలియక పోయినా....
నీకు తెలిసిన నువ్వు నాకెప్పుడో తెలుసు....!!
నాదైన ప్రతి క్షణమూ నీతోనే ఉంటే...
నేను చెప్పే ఊసులన్ని నీతోనే అయితే....
నేను పంచుకునే అనుభూతుల
సరాగాల సంపెంగలు నీ చుట్టూనే పరచుకుంటే....!!
దాచినా దాగని నీ మౌన వీచికల అల్లరి
గాలి వాటుగా నను చేరుతుంటే...!!
కోపంలో మరచిన అలుకలో ఎర్రనైన మోము
ముద్దమందారంలా ముగ్ధ సింగారాన్ని
చిరునవ్వుల నయగారాన్ని మోసుకొస్తే
ఇంకా ఎందుకోయ్....!!
నేను తెలియదంటూనే.... నిన్ను నువ్వు
దాచేసుకోవాలని చూస్తున్నావు....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి